الرئيسية » الفيديوهات » تجميعة لجميع كورسات التوزيع والشوب دروينج للمهندس : محمد مصطفى مجانا
CESCO ACADEMY  اكاديمية سيسكو

تجميعة لجميع كورسات التوزيع والشوب دروينج للمهندس : محمد مصطفى مجانا

الموضوع  ده فيه تجميعه لكل الكورسات المجانية اللي انا قدمتها علي القناة… الموضوع ده كنز بجد وان شاء الله المزيد في الطريق ..
اولا : كورس الشوب دروينج لأعمال الانارة المستوي الاول … وفيه بشرح كيفية رسم الشوب دروينج لاعمال الانارة ببساطة جدا من الالف للياء وعمل الحصر واعداد اللوحات لاعتمادها من الاستشاري والكورس مكون من 7 فيديوهات متجمعين في لينك واحد اتفضل ياهندسة :
https://www.youtube.com/watch…

ثانيا : كورس الشوب دروينج لاعمال الباور المستوي الاول … وفيه بشرح كيفية رسم الشوب دروينج لاعمال الباور وايه الخبايا اللي بتبقي موجودة في الرسم وازاي اقدر استخدم مقايسة الاعمال عشان ارسم رسومات مظبوطة جدا … بجد هتستفاد جدا واتمني ان الكورس يحطك علي اول الطريق الصح … الكورس مكون من 5 فيديوهات متجمعين في لينك واحد :
https://www.youtube.com/watch…

ثالثا : كورس كامل لشرح برنامج الدايلكس ايفو لتوزيع الانارة بشكل احترافي … وفي الكورس ده انا ركزت اكتر علي شرح جميع خبايا البرنامج وازاي تتعامل مع كل ايقونة جوه البرنامج … وبرده من خلال البرنامج هتقدر تبدأ توزع انارة بشكل احترافي … الكورس مكون من 11 فيديو متجمعين في لينك واحد :
https://www.youtube.com/watch…

رابعا : كورس اللوحات الكهربية من الجهة التنفيذية … ودا بقي كورس ممتاز بيحط رجليك علي طريق التعرف علي مكونات اللوحات الكهربية وانواعها وتركيبها وكل تفاصيلها الصغيرة والكبيرة… شرح وافي جدا وهتستفاد منه بجد … خبرة عملية كبيرة هتستفاد منها في الفيديوهات دي وهتتعلم ازاي تقدر تفرق بين اللوحات وانواعها ومكوناتها … بجد تفاصيل كتير جدا … الكورس مكون من 12 فيديو متجمعين في لينك واحد :
https://www.youtube.com/watch…

خامسا: كورس انذار الحريق كاملا … الكورس اللي حقق نجاح كبير وفعلا كان فيه تفاعل كبير جدا … فيه بشرح مكونات نظام الفاير الارم كامل وشرح للوحات الكنترول الخاصة بنظام انذار الحريق وانواعها بالتفصيل … الكورس مكون من 7 فيديوهات متجمعين في لينك واحد :
https://www.youtube.com/watch…

سادسا: كورس الدش المركزي … من الكورسات الخفيفة والمهمة في نفس الوقت … بشرح من خلال الكورس ده مكونات نظام الدش المركزي كامل وازاي بيتم تركيبه و تشغيله وترددات جميع الانظمة … الكورس مكون من 3 فيديوهات متجمعين في لينك واحد :
https://www.youtube.com/watch…

سابعا : كورس شرح نظام التليفونات …من الكورسات الخفيفة في مجال التيار الخفيف اللي من خلاله بشرح مكونات نظام التليفونات ال traditional وكيفية توصيله … الكورس مكون من 2 فيديو متجمعين في لينك واحد:
https://www.youtube.com/watch…

دي كده كل الكورسات المتاحه حتي الآن … وان شاء الله انتظروا المزيد … مع خالص تمنياتي بتحقيق الاستفادة الكاملة .. برجاء المشاهدة اولا علي اليوتيوب قبل التحميل

Facebook Comments

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

كراك منتجات أتوديسك 2020 ومفاتيحها

كراك منتجات أتوديسك 2020 ومفاتيحها

مع الإصدار الأحدث من مُنتجات Autodesk، هنا قائمة مفاتيح منتجات Autodesk 2020 الجديدة. مفاتيح المنتجات ...