المخططات التنفيذية حسب التنفيذ في المشروع | موضوع متجدد

المشروع عبارة عن

– عقد

– مواصفات

– جدول كميات

– مخططات

المخططات من حيث مراحل زمن المشروع

– تصميمية Design Drawing

– تشغيلية Shop Drawing

– طبقا للمنفذ علي الطبيعة AS Built Drawing

المخططات من حيث الاقسام

– إنشائية

– معمارية

– ميكانيكية

– كهربية

المخططات الانشائية

– فهرس المخططات

– مخطط التفاصيل والملاحظات العامة

– القواعد والسملات

– الاعمدة

– الاسقف

المخططات المعمارية

– فهرس المخططات

– مخطط التفاصيل والملاحظات العامة

– البلانات

– الاسقف المعلقة

– الواجهات

– القطاعات

– جداول التشطيبات

المخططات الميكانيكية

– فهرس المخططات

– مخطط التفاصيل والملاحظات العامة

– مخططات التكييف

– مخططات تغذية المياه

– مخططات الصرف

– مخططات اطفاء الحريق

المخططات الكهربية

– فهرس المخططات

– مخطط التفاصيل والملاحظات العامة

– الانارة

– البور

– الكابل تراي

– انذار الحريق

– نظام الداتا والهاتف

– نظام الكاميرات

– نظام الصوت

– نظام الساعة المركزية

– نظام التأريض

– نظام مانعة الصواعق

– مخططات السليفات

– مخططات انارة الموقع العام

– مخططات مسارات كابلات الموقع العام

– مخططات SLD

– مخططات جداول الاحمال

– مخططات مسارات التيار الخفيف للموقع العام

المخططات التصميمية:

مالك المشروع بيكلف مكتب استشاري عشان يعمله المخططات دي سواء معمارية او انشائية وبعد كده بيتم تصميم المخططات الميكانيكية والكهربية علي حسب استخدام المبني ودا كله قبل اما المشروع بيتم طرحه للتنفيذ

المخططات التشغيلية:

دي بيعملها المقاول الي هينفذ المشروع ودي بتكون قبل البدء في التنفيذ وبيكون فيها كافة تفاصيل التركيب والانواع للاجهزة الي هيتم تركيبها علي اختلاف الانظمة يعني دي بتكون فيها الحاجات الي هتنفذ فعليا مع التفاصيل

المخططات المطابقة للمنفذ علي الطبيعة:

دي بردو بيعملها المقاول الي نفذ المشروع ودي بتكون بعد الانتهاء من الاعمال في المشروع ودي بتكون تحديث فقط للمخططات التشغيلية بالتغييرات الي حصلت اثناء التنفيذ عشان يتم استخدامها في اعمال الصيانة بالمبني فيما بعد

انت كمهندس كهربا في الموقع بيهمك اولا مخططات الكهربا الي عندك ولكن بتحتاج معلومات من مخططات الاقسام الاخري ودا ان شاء الله هنقول المعلومات الي بتحتاجها من مخططات كل قسم

1- اول مخطط بيكون عندك هو الفهرس او index او drawing list ودا بيكون في اسماء كل المخططات وارقامهم

2- تاني مخطط بيكون مخطط التفاصيل او general details ودا بيكون فيه كل الليجند الخاصة بكل الرموز الي موجودة بكل الانظمة والمخططات الكهربية وبيكون فيها بعض ملاحظات التركيب زي ارتفاعات المفاتيح المطلوبة وارتفاعات اللوحات وهل هي مدفونة او ظاهرية وهكذا

3- بعد كده بتكون المخططات الخاصة بكل نظام عندك وان شاء الله هنقول كل مخطط ايه المعلومات الي المفروض تكون فيه وايه المعلومات الي هتحتاجها من مخططات الاقسام الاخري عشان البوست ميكونش اطول من كده

المخططات حسب التنفيذ في المشروع

المفروض الكلام دا واحتياجك لمخططات الاقسام الاخري بيكون قبل الشوب درونج لكن انت في الموقع لازم بتراجع الكلام دا وانت بتنفذ عشان لو اي حاجة مش موجودة في اي تغيير حصل اثناء التنفيذ

  • مخطط التأريض

دا هتسخدمه لما يكون المشروع لسه في مرحلة القواعد والسملات هتشوف منه طريقة الربط بين كبل التأريض وحديد التسليح في المبني والربط دا بيكون في نقط معينة من المبني ومتوضحه عندك بالمخطط وفي التنفيذ هتحتاج تعرف حديد التسليح الي عندك كام ملي عشان الكلامب الي هتربط بيه بين حديد التسليح وبين كبل التأريض ودا هتعرفه من المخططات الانشائية من مخطط القواعد وبردو هتحتاج تعرف مساحة القواعد الخرسانية عشان تعرف طول كبل التأريض الي هتسيبه بره اساسات المبني عشان تربطه بعد كده في قضبان التأريض الي هتتركب حول المبني وبردو عشان تعرف المسافة الي هتبعدها عن المبني لتركيب قضيب التأريض وبعد كده المخطط دا مش هتستخدمه تاني الا في المراحل الاخيرة للتشطيب عشان تركب قضبان التاريض وتوصل بينهم بالكبل النحاسي الغير معزول

  • مخطط مانعة الصواعق

دا هتسخدمه بردو لما يكون المشروع لسه في مرحلة القواعد عشان تركب مواسير الصواعد الي هتوصل نظام مانعة الصواعق الموجودة علي السطح الي قضبان التأريض حول المبني فانت بتركب المواسير في الاعمدة وبتطلع من السملات او الميدة الخرسانة في اسفل المبني بكوع من ماسورة الصاعد لخارج العمود وهيفضل معاك المخطط تستخدمه مع كل صبة اعمدة عشان تكمل مواسير الصاعد الي السطح وطبعا ضروري جدا انك تثبتها كويس في حديد التسليح وانك تستخدم الغراء بين وصلات المواسير وبعضها وعشان دي هتحتاج اماكن الاعمدة في المبني من مخطط الاعمدة من المخططات الانشائية

  • مخطط السليفات

المخطط دا بيوضح اماكن دخول الكابلات للمبني وعدد المواسير ومقاساتها وعادة دي بتكون عند غرف الكهرباء المتوزعة في المبني ودا بردو بتحتاج مخطط القواعد والسملات من المخططات الانشائية عشان تعرف عرض السملات عشان اطوال المواسير الي هتستخدمها

دي تقريبا المخططات الي هتستخدمها اثناء المرحلة الاساسات في المبني وان شاء الله نكمل الكلام عن باقي المخططات

DRAWING PART (2)

#ELPAHTETY

Facebook Comments Box
Comments (0)
Add Comment