دا الكتاب الخامس ليا .. و اول كتبي باللغة العربية وكتبته بالعامية المصرية كمان .. كتاب الهندسة الالكترونية لغير المتخصصين ..

.

لو حابب تفهم الكهرباء والهندسة الالكترونية وانت معندكش اى معرفة بيها هيكون مناسب ليك جدا .. لو عندك ابن اكبر من 9 سنين تقدر تقرأ معاه الكتاب دا وتجربوا التجارب المسلية اللى فيه واللى هتقدر تعملها بامكانيات بسيطة جدا واهو تشغل وقتك بحاجة مفيدة و تقوى علاقتك بابنك و تحببه فى الهندسة بطريقة ممتعة ..

.

الكتاب بيبدأ معاك من الصفر .. يعني ايه كهرباء وازاى بنحصل عليها .. وبينتهي بانه يعلمك ازاى تنفذ دايرة الكترونية بشكل نهائى وبامكانيات منزلية .. وفيه امثلة كتير زى دواير انذار من السرقة بالليزر .. دواير تحكم فى الاضارة اتوماتيك .. دواير طرد الناموس وكشف المعادن .. إلخ ..

.

وفى النص هتعرف يعني ايه مقاومة ومكثف و ملف و محول .. إلخ .. وهتعرف ازاى تقيس كل الكميات الكهربية وتستخدم الافوميتر بشكل عملي ..

>

بص .. هتستمتع

حمل الكتاب من اللينك دا مجانا ولو رفض التحميل سجل الدخول لجوجل وهيحمله عادي ..

.

لو عجبك الكتاب متنسانيش من دعائك واعمل شير لعلها تكون علم ينتفع بيه اؤجر عليه وتشاركني الاجر .. وياريت تقيم الكتاب فى اللينك دا .. هقرأ تقييمك بنفسى واكيد هيحسن من جودة المؤلفات القادمة بإذن الله ..

.