شوية حاجات خد بالك منها لو بتنفذ أو بتستلم أسلاك وكابلات
شوية حاجات خد بالك منها لو بتنفذ أو بتستلم أسلاك وكابلات
…………………………………………………………..
.
1. Check conductor size, insulation color and sheath against specification.
قبل ما بتبدأ سحب الكابلات أو الأسلاك لازم تراجع المواصفات والإعتمادات … وتتأكد إن الكابلات مطابقة للإعتماد … مش كده وبس .. إنت فى الأول بتقيس أطوال الكابلات …. وطبعا فيه جداول إكسيل معمول فيها حسابات الفولتج دروب …لكن الطول اللى موجود فى الجدول ده بيكون متاخد من الرسومات …. وغالبا بعد ما بتقيس الأطوال فى الموقع بيكون الطول مختلف عن الطول اللى موجود فى جداول الحسابات المعتمدة …لو الطول أقصر مافيش مشكلة إقطع وركب علطول ….لكن لو أطول لازم الأول تحط الطول الفعلى فى الجدول وتأكد إنه محقق الفولتج دروب المسموح بيه واللى بيكون غالبا فى حدود 5% … لو طلع مش محقق يبقى هتضطر تكبّر مساحة مقطع الكابل عشان يكون متماشي مع الفولتج دروب المسموح بيه ….كذلك تراجع مواصفات الكابل كلها من نوع العزل والتسليح ونوع الموصل (نحاس أو ألومينيوم ) ولون العزل وكل المواصفات …… ممكن يكتب لك فى المواصفات
– use conductors not smaller than 2.5 mm2 for lighting circuits .
– use conductors not smaller than 4 mm2 for power circuits .
-refer to cable schedule for sizes of cables .
…………………………………………………………………………
2. Check that wires, cables and connectors have been installed to comply with Manufacturer’s written recommendations.
إذا كان هناك توصيات للمورد أو المٌصنٍع
بخصوص سحب الأسلاك أو الكابلات لازم تراعيها أثناء التركيبات ….زى مثلا لو بتسحب كابلات بمعدة معينة بيكون فيه حدود مسموح بيها لقوة شد الكابلات أثناء سحبها …كذلك لو بتستخدم مادة معينة لتسيهل سحب الكابلات زى الشحم أو الفازلين أو الصابون السايل لازم تكون المادة المستخدمة معتمدة ومتماشية مع المواصفات وتوصيات المورد …ممكن يكتب لك فى المواصفات
-pull wires and cables in accordance with manufacturer’s instructions and recommendations.
-cable pulling tensions shall not exceed the recommended values.
-use suitable wire pulling lubricant for wire 25mm2 and larger.
………………………………………………………………………
3. Check that wires, cables and connectors have been installed to comply with Applicable local authority standards.
كل دولة بيكون ليها المواصفات الخاصة بيها والكود اللى بتشتغل بيه …. وشركة الكهرباء الحكومية فى كل دولة بتكون محدده البراندات المعتمدة ….. أو بمعنى أدق أى مُورٍد كابلات لازم يعتمد كابلاته من شركة الكهرباء ….دورك إنك تتأكد قبل ماتركب إن الكلابلات المستخدمة معتمدة من شركة الكهرباء …..وإن كانت النقطة دى بيكون تم دراستها أثناء إعتماد المواد وقبل البدء فى التوريد …لكن برضه مايمنعش إنك تشيك مرة كمان قبل ما تركب
…………………………………………………………………………
4. Check that wires and cables have been identified at both ends by tags or labels as required.
كل كابل أو سلك بيكون ليه طرفين ..مثلا طرف عند لوحة رئيسية والتانى عند لوحة فرعية …أو طرف عند لوحة فرعية وطرف عند الحمل أيا كان نوعه ….أو طرف عند لوحة رئيسية وطرف عند حمل معين وهكذا …..وانت بتسلم الإستشارى المفروض تكون عارف كل كابل رايح فين وجاى منين …. وعشان تسهل على نفسك بتحط ليبول لو حتى موقت على طرفى الكابل بتكتب عليه الكابل جاى منين ورايح فين مثلا ممكن تكتب عليه … 4*25+1*16 from SMDB-GF-1 to DB-FF-1
وطبعا التوصيف ده بيكون موجود على السنجل لاين دايجرام ……..وممكن تركبه بصورة مؤقتة ولما تقفل اللوحات بعد كده تركبه بصفة دائمة لتسهيل عملية الصيانة ….ممكن يقول لك فى المواصفات
-tag all conductors in junction boxes , pull boxes and wire ways indicating panel board and circuit number.
-tag all cables from both sides using a steel label .
…………………………………………………………………………
5. Check that wires and cables are left with sufficient slack at both ends.
طبعا بيكون فيه وقت بين سحب الكابلات وبين تقفيل اللوحات وتركيب الكشافات و final fix بصفة عامة ……فلازم تسيب طول مناسب فى الكابلات والأسلاك عند اللوحات وعند المخارج وعند أى نقطة هيتعمل فيها ترمينيشن فيما بعد ……بحيث لو طلع الكابل أطول 30 سم مثلا ورميتهم أثناء التقفيل أفضل من إنه يطلع معاك وتضطر تغيره كله ..والنقطة دى ممكن يكون مشار ليها فى المواصفات ..زى مثلا
– adequate length of free conductors in boxes to be provided.
…………………………………………………………………………
6. Check that the installation of wires and cables has been coordinated with other services.
طبعا التنسيق بين الأنظمة المختلفة مهم جدا … والنقطة دى اتكلمنا عنها أكتر من مرة فى بوست مهام مهندس الموقع والبوست اللى اتكلمنا فيه عن المواسير والبوكسات .(اللينكات فى التعليقات )
…………………………………………………………………………
7. Check that conductors have been pulled simultaneously where more than one are installed in same raceway.
لو عندى أكتر من سلك ماشيين فى ماسورة واحدة ( مثلا ) .. لازم تسحبهم فى وقت واحد مع بعض ….ممكن تلاقى عندك لينية لونها أصفر والسلك الأصفر مش متوفر فى الموقع عندك ….فإنت للأسف فكرت إنك تكسب وقت وتسحب الإرث والنيوترال بتاع اللينية ولما يوصل السلك الأصفر تبقى تسحبه بعدين ….طبعا دا غلط لإنك أثناء سحب السلك فى ماسورة فيها سلكين ممكن تدمر عزل السلكين الموجودين من الأول ….وعادة بيكون مشار للنقطة دى فى المواصفات …ممكن تلاقى مثلا
-pull all conductors into raceway at same time.
مش كده بس … لازم كل الأسلاك أو الكابلات اللى بتغذى نفس الحمل لازم تكون متجمعة مع بعض فى مسار واحد ..حتى شوف النقطة رقم 8
…………………………………………………………………………
.8 Verify that all conductors of a circuit are grouped together.
لازم تتأكد إن الأسلاك أو الكابلات خاصة السنجل كور اللى بتغذى حمل معين وكذلك سلك التأريض متجمعين مع بعض فى مسار واحد … سواء ماسورة واحدة أو تراى واحد أو ترنك واحد
…..ومع إن النقطة دى ممكن البعض يشوف إنها مش محتاجه تنبيه عليها إلا إن المشاكل اللى ممكن تنتج عن عدم اتباع النقطة دى كبيرة …يعنى تقدر تعتبرها critical installation requirement
……..لإنك لو ماعملتش كده ممكن يحصل حاجات كتير زى مثلا
-poor power quality
-harmonics
-induction heating
ودى كلها حاجات بتعمل سخونة فى الموصلات … وممكن تتسب فى حرايق ….( أنا سمعت من كام سنة إن حصل حريق فى سيتى ستارز بسبب ان سلك لايف كان مسحوب لوحده فى ماسورة ميتال)
خليك فاكر الملاحظة دى :
-To minimize induction heating of ferrous metal raceways and ferrous metal enclosures for alternating current circuits, and to maintain an effective ground fault current path, all conductors of a circuit must be installed in the same raceway.
…………………………………………………………………………
9. Check that a pulling compound or lubricant as approved.
النقطة دى بتتكلم عن المادة اللى بتستخدمها عشان تسهل سحب الكابلات ..راجع نقطة رقم 2
…………………………………………………………………………
10. Check that raceways have been swabbed if applicable before pulling wires and cables.
لازم تتأكد إن مسار الكابل ممسوح ونضيف ومافيش أى حاجة ممكن تجرح عزل الكابلات و هنتكلم بتفصيل أكتر عن الحتة دى فى نقطة جاية بعد شوية ….أعتقد هتكون رقم 23.
…………………………………………………………………………
11. Check that conduit ends have been fitted with bushing as required.
والنقطة اتكلمنا عنها بالتفصيل الغير ممل فى النقطة رقم 7 فى بوست المواسير والبوكسات ( اللينك فى التعليقات )
…………………………………………………………………………
12. Check that the pulling tension does not exceed manufacturer’s recommendation for the wire or cable.
راجع نقطة رقم 2 …..
…………………………………………………………………………
13. Ensure that the conduit or raceways run has been completed (joints made up tightly and the entire run secured in place) before wire or cable is pulled.
إتأكد إن المسار كامل قبل سحب الكابلات والأسلاك ….طبعا لو المسار مش كامل هتضطر تجمع باقى الطول بتاع الكابل وتعلقه مثلا فى أى حاجة فى السقف مثلا لحد ما تكمل المسار ودا بيعرض الكابل للسرقة أو أى mechanical damage
ممكن تلاقى فى مواصفات المشروع نقطة زى كده :
-Verify that raceway systems are complete prior to installation of conductors.
…………………………………………………………………………
14. Check that the cables and conduits have been sealed, with approved materials.
والحتة دى اتكلمنا عنها بالتفصيل فى نقطة رقم 15 فى بوست المواسير والبوكسات
ممكن يقولك فى مواصفات المشروع:
– Openings in fire-rated walls, floors, and ceilings for electrical equipment must be fire-stopped using methods approved by the authority having jurisdiction to maintain the fire-resistance rating of the fire-rated assembly.
…………………………………………………………………………
15. Check that cables have not been placed tights around bends.
إتأكد إن الكابلات مرصوصة بشكل كويس ومتسستمة على التراى أو اللادر … وإن مافيش كابل راكب على كابل ومافيش crossing بين الكابلات ….وخصوصا فى الإنحناءات إتأكد إن الكابل مش معصور ….وكذلك راعى المسافات البينية بين الكابلات وبعضها وبين الكابل وسور التراى …يتسيب بين كل كابلين مسافة تاخد كابل بحجم الكابل الكبير ..ومسافة نص كابل بين الكابل وسور التراى أو على حسب مواصفات المشروع .
…………………………………………………………………………
16. Check that cables have been fastened securely to tray rungs with cable ties.
تثبيت الكابلات فى الكابل تراى مهم …ولازم تراجع المواصفات والإعتمادات عشان تعرف ال cable ties المعتمدة فى المشروع بتاعك ….أحيانا بيطلب steel cable ties …. وحتى لو طالب منك steel ممكن تركب PVC cable ties بصفة مؤقتة أثناء السحب وترتيب الكابلات وبعد كده تشيلها وتركب ال steel cable ties بصورة نهائية عشان الشغل يطلع كويس وبتكلفة أقل…..والتثبيت بيكون أهم فى الريازر risers ….بحيث الكابلات بتكون مثبتة رأسيا على cable ladder مثلا..وأحيانا بيكون ليها وسائل تثبيت مخصوصة special cable clamps or cable cleats ……ودا عشان نتجنب الإجهاد الزائد على الكابلات الرأسية .
– conductors in long vertical runs must be provided with supports to avoid excessive strain on the conductor and insulation .
…………………………………………………………………………
17. Check that the bending radius of any cable is not less than 8 times the cable outer diameter, including insulation.
فى النقطة رقم 15 قلنا إن سيادتك تأكد إن الكابل مش معصور فى الإنحناءات …. وعشان الكابل يكون مرتاح فى الإنحناء خلى نص قطر انحناء الكابل لايقل عن 8 مرات القطر الخارجي للكابل ….يعنى لو القطر الخارجى للكابل 3 سم مثلا يبقى نصف قطر الإنحناء ما يقلّش عن 8 ضرب 3 يعنى 24 سم.
…………………………………………………………………………
18. Check that cable spacers have been provided, where required.
إحيانا بيطلب منك إنك تحط فواصل بين الكابلات ….مثلا لو بترمى مجموعة كابلات فى الأرض بتحط طوب على مسافات معينة بين الكابلات وبعضها ….على حال بتشوف متطلبات مشروعك واعتماداته ومواصفات وتمشي عليها .
…………………………………………………………………………
19. Check the filing ratio visually.
غالبا ال filling ratio بتكون 40% …. يعنى 40% من الماسورة مليان و 60% فاضى …وكذلك التراى والترنك ممكن ينطلب فيه spare للأحمال المستقبلية
…………………………………………………………………………
20. Verify that mechanical work likely to damage cables and wires has been completed.
ودى حتة تنسيقية …يعنى لو إنت عارف مثلا أن فيه شغل لحام هيتعمل فى مكان فيه كابلات وممكن الرايش بتاع اللحام ينزل على الكابلات ..فمن الأفضل تنتظر لحد ما جماعة اللحام تخلص وبعد كده تركب الكابلات …وكذلك أى أعمال ممكن تأثر على الكابلات الأفضل تنسق بحيث تحافظ على شغلك …..وخليك فاكر دايما إنك مش شغال وحدك فى المشروع
……………………………………………………………………….
21. All cables and wires shall be tested.
مهم جدا إنك تختبر الكابلات والأسلاك …. بتعمل continuity test عشان تتأكد من توصيلية الكابلات وان مافيش قطع فى الموصل …وكمان بتعمل megger test عشان تختبر عزل الكابلات …ومهم إنك تراجع شهادة المعايرة بتاعة أى جهاز هتستخدمه فى الإختبارات دى.
…………………………………………………………………………
22. Check insulation values where conductors of different systems share common enclosures.
لو عندى أكتر من سيستم وهيتجمعوا على بوكس واحد …فكل عزل الأسلاك بتاع اى نظام سواء تيار متردد أو مستمر لازم يكون بيتحمل على الأقل جهد مايقلش عن أعلى جهد موجود على سلك داخل البوكس …. والنقطة دى فيها تفاصيل كتير ممكن ترجع لها فى ال NEC 300.3.C
لكن بصفة عامة خد بالك من النقطة دى واللى بتغيب عن معظم الناس :
-Power conductors of ac and dc systems rated
600V or less can occupy the same raceway, cable, or enclosure if all conductors have an insulation voltage rating not less than the maximum circuit voltage.
…………………………………………………………………………
23. Check wiring methods for spacing from edges of framing and for protection from nails and screws.
يعنى مايكونش فيه فى المسار بتاع الكابلات مسامير تجرح العزل ..ممكن مثلا تلاقى مسمار تثبيت تراى أو ترنك ورأس المسار بره والسن جوه دا غلط جدا كذلك لما تقفل اللوحات أتأكد إن مافيش مسامير بارزة قريبة من الكابلات …..برضه لو إنت ممشي مواسير فى الخرسانة أو فى حيطة ماتخليش المواسير قريبة جدا من الفنش ..بحيث أى حد يركب مسمار أو تيش تكون بعيد عنه قدر الإمكان.
…………………………………………………………………………
24. Verify that electrical raceways and cable trays are used exclusively for electrical conductors.
مسارات الكلابلات بأنواعها هى للكابلات فقط …وغير مسموح بإن أى حاجه تانية خصوصا لو عناصر غير كهربية تمشى فى نفس مسارات الكابلات …..زى مواسير المياه أو مواسير غازأو أنابيب بخار..
ممكن يكتب لك فى مواصفات المشروع :
-Raceways are to be used only for electrical conductors and cables. Nonelectrical components, such as pipes or tubes for steam, water, or gas, must not be installed inside electrical raceways or cable trays.
……………………………………………………………………..
25-Check for continuity and completeness in metal raceways and enclosures.
مسار الكابل المعدنى لازم يكون متصل كهربيا ( وكمان ميكانيكيا ) ببعضه ويكون متأرض …زى الكابل تراى مثلا بتربط كل أجزاؤه ببعضها بسلك أرضى للحفاظ على سلامة النظام والأشخاص فى حال حدوث أى fault
ممكن يكتب لك فى مواصفات مشروعك
-Metal raceways, cables, boxes, fittings, cabinets, and enclosures for conductors must be metallically joined together to form a continuous, low-impedance fault current path capable of carrying any fault current.
……………………………………………………………………..
26-Verify that wires and cables raceways are securely fastened in place, supported independently of suspended ceilings, and not used as supports.
وسائل تثبيت مسارات الكابلات لازم تكون مستقلة …ماينفعش أستخدم تحاميل دكت التكييف مثلا واركب عليها تريهات …..كذلك اتياش السقف المعلق ماينفعش استخدمها فى تثبيت الكابلات أو مساراتها وكذلك الكابلات اللى متركبه ماينفعش أستخدمها فى تثبيت كابلات أو أسلاك أخرى ….ممكن يذكر لك فى المواصفات
-Raceways, cable assemblies, boxes, cabinets,
and fittings must be securely fastened in place. The ceiling-support wires or ceiling grid must not be used to support raceways and cables (power, signaling, or communications).
